མཚན་ལ་མུན་པ་གྱོན་ནས་བསམ་གཞིག་ཀློང་དུ་ཞུགས། །
སྨྲེང་སློང་ཚེས་རུ་དཀར་བོ་ནམ་གུང་འཛུར་ཡང་གསལ། །
ཉིན་གང་ལས་ཀྱིས་དུབ་པའི་རི་རྒས་སྙམ་མེད་དུ། །
མག་མོག་ཟླ་འོད་ངོགས་སུ་ཡུར་བའི་སྔུར་བ་འདྲེན། །
ད་ནི་རི་རྒྱབ་ཕ་ཡུལ་གྲང་བ་དགུན་ལ་ཉེ། །
གངས་རླུང་རལ་ཁ་འཐབ་པའི་དུས་ནི་ངེས་པར་འོང་། །
འཇམ་པ་ལུག་ཆུང་ཚ་རུའི་གོས་ལྭ་ཅི་ཙམ་ཡོད། །
དགུན་འཁྱག་ས་རྡོ་འགད་ཚེ་མིང་སྲིང་ཨེ་གྲང་ངམ། །
མཚན་མོའི་ལྷང་འཇིགས་ཟ་བའི་དུས་ཚོད་འཁོར་ལོ་ཡིས། །
ཞེ་ལ་འཇིགས་འཇིགས་བྲེད་ཤ་ཡང་ཡང་སྟེར་བར་བྱེད། །
དོ་ནུབ་ཆུ་ཁུར་རླུང་བུ་ཕྱི་ན་ལྡང་ཞིང་འཁོར། །
སང་ཞོགས་བརྩེ་མེད་བ་མོས་མེ་ཏོག་ཅི་ཙམ་བརྙིད། །
2016.8.7ནམ་སྨད་ལ་ཀླུ་ཚང་དུ།