བོད་ཀྱི་རི་མོ་པ་གྲགས་ཅན་གྱི་བརྩམས་བྱ་འགྲེམ་སྟོན།
ཐེངས་འདིའི་འགྲེམས་སྟོན་ནི་རང་སྐྱོང་ལྗོངས་ཀྱི་རྒྱལ་ཁབ་རིམ་པའི་མངོན་མིན་ཤུལ་བཞག་རྒྱུན་འཛིན་པ་དང་ཁོང་གི་སློབ་མའི་འགྲེམས་སྟོན་ཞིག་ཡིན་ཞིང་། འགྲེམས་སྟོན་འདི་བརྒྱུད་དེ་རྒྱལ་ཁབ་ཕྱི་ནང་གི་སྐྱེ་བོ་ཀུན་ལ་བོད་ཀྱི་ཐང་གའི་སྒྱུ་རྩལ་གྱི་ཁྱད་ཆོས་དང་རིན་ཐང་སོགས་གང་ཅིའི་ཐད་ལ་རྒྱུས་མངའ་ཡོང་ཕྱིར་དང་།
རང་སྐྱོང་ལྗོངས་རྒྱལ་ཁབ་རིམ་པའི་མངོན་མིན་ཤུལ་བཞག་རིག་གནས་རྒྱུད་འཛིན་པའི་དཔུང་སྡེ་གསོ་སྐྱོང་དང་ཁོང་ཚོའི་འཇོན་ནུས་དེ་འཛམ་གླིང་མི་དམངས་ལ་གསལ་བསྒྲགས་བྱེད་ཆེད། ཡང་ན་རྒྱུད་འཛིན་པ་དག་གིས་མུ་མཐུད་དུ་ཕུལ་བྱུང་སློབ་མ་གསོ་སྐྱོང་། ཀུན་སྤྱོད་དང་བྱང་ཚད་མཐོ་བའི་བོད་ཀྱི་རི་མོ་པའི་དཔུང་སྡེ་གསར་བ་
འཛུགས་སྐྲུན་བཅས་བྱས་ཏེ་རྒྱལ་ཁབ་དང་མི་རིགས་སྤྱི་སྒེར་ཀུན་ལ་ཕན་པའི་རིག་གཞུང་ཡར་རྒྱས་གོང་འཕེལ་དུ་གཏོང་བའི་གནད་དམ་པ་ཞིག་ལགས། ཐེངས་འདིའི་འགྲེམས་སྟོན་ནི་བོད་རང་སྐྱོང་ལྗོངས་རིག་གནས་ཐིང་གིས་གཙོ་སྒྲུབ་བྱས་ཤིང་། རང་སྐྱོང་ལྗོངས་མང་ཚོགས་སྒྱུ་རྩལ་ཁང་དང་བོད་ལྗོངས་ཐང་གའི་སྒྱུ་རྩལ་གླིང་གིས་
སྒྲུབ་གཉེར་དང་། བོད་ལྗོངས་བསྟན་པ་རབ་བརྟན་ཐང་གའི་སྒྱུ་རྩལ་ལྟེ་གནས་དང་ཆབ་མདོ་གྲོང་ཁྱེར་ཁ་རུབ་རིག་གནས་ཅུད་ཀྱིས་མཉམ་གཉེར་བྱས་ཏེ་༼བོད་ཀྱི་ཐང་ག་རྒྱུན་འཛིན་པའི་དགེ་སློབ་ཀྱི་བརྩམས་བྱའི་མུ་འབྲེལ་འགྲེམས་སྟོན་སོར་མོའི་འཁྱུག་འགྲོས།༽ཞེས་པ་དེ་༢༠༡༦ལོའི་ཟླ་༤པའི་ཚེས་༢༧ཉིན་དབུ་བརྩམས་ཏེ་མཁྱེན་ལྡན་
དག་གི་སྤྱན་སྔར་ཕུལ་བའོ།། ཐེངས་འདིའི་འགྲེམས་སྟོན་གྱི་ནང་དུ་བོད་ཀྱི་སྨན་ལུགས་ཐང་གའི་རྒྱལ་ཁབ་རིམ་པའི་རྒྱུད་འཛིན་པ་བསྟན་པ་རབ་བརྟན་དང་ཁོང་གི་སློབ་མའི་བརྩམས་བྱ། སྨན་གསར་ལུགས་ཀྱི་རྒྱལ་ཁབ་རིམ་པའི་རྒྱུད་འཛིན་པ་ནོར་བུ་སྲིད་ཐར་དང་ཁོང་གི་སློབ་མའི་བརྩམས་བྱ། ཀརྨ་སྒར་བྲིས་ལུགས་ཀྱི་
རྒྱལ་ཁབ་རིམ་པའི་རྒྱུད་འཛིན་པ་ཀརྨ་བདེ་ལེགས་དང་ཁོང་གི་སློབ་མའི་བརྩམས་བྱ་སོགས་འདུས་ཡོད། དེ་ཡང་སྤྱི་ཟླ་༤པའི་ཚེས་༢༧ཉིན་གྱི་ཞོགས་པར་རང་སྐྱོང་ལྗོངས་མང་ཚོགས་སྒྱུ་རྩལ་ཁང་གི་འགྲེམས་སྟོན་མཛད་སྒོའི་སྟེང་སྨན་ལུགས་བཟོ་བའི་ཁྱུ་མཆོག་དགེན་བསྟན་པ་རབ་བརྟན་མཆོག་གིས་མཛད་སྒོའི་གཏམ་བཤད་གནང་ཞིང་། རང་སྐྱོང་ལྗོངས་མང་ཚོགས་སྒྱུ་རྩལ་ཁང་གི་དབུ་གཙོ་དང་། ཐང་གའི་ཆེད་ལས་མཁས་པ་དགེན་ངག་དབང་འཇིགས་མེད། ནོར་བུ་སྲི་ཐར། ཉི་ཤར། དབྱངས་ཅན་སྒྲོལ་དཀར་བཅས་གཙོ་བྱས་པའི་དབུ་ཁྲིད་རྣམས་མཛད་སྒོར་ཕེབས་ཡོད། དེ་ལས་གཞན་སྤྱི་ཚོགས་ལས་རིགས་ཁག་སོ་སོའི་བོད་ཀྱི་རི་མོའི་སྒྱུ་རྩལ་ཐད་ལ་དོན་གཉེར་གནང་མཁན་
གྱི་མི་མང་པོ་ཞིག་ཀྱང་ཐེངས་འདིའི་མཛད་སྒོར་ཞུགས་ཡོད་དོ།།
ཐེངས་འདིའི་འགྲེམས་སྟོན་གྱི་བཀོད་སྒྲིག་ནི་འདི་ལྟ་སྟེ།
༡、 བོད་ཀྱི་ཐང་གའི་སློབ་དཔོན་ཆེན་མོ་དགེན་བསྟན་པ་རབ་བརྟན་དང་ཁོང་གི་སློབ་མའི་བརྩམས་བྱ་འགྲེམས་སྟོན་༼སོར་མོའི་འཁྱུག་འགྲོས།༽ འགྲེམས་སྟོན་དུས་ཚོད:༢༠༡༦ལོའི་ཟླ་༤པའི་ཚེས་༢༧ཉིན་ནས---ཟླ་༥པའི་ཚེས་༢ཉིན་བར།
༢、 བོད་ཀྱི་ཐང་གའི་དགེ་རྒན་ཆེན་མོ་ནོར་བུ་སྲི་ཐར་དང་ཁོང་གི་སློབ་མའི་བརྩམས་བྱ་འགྲེམས་སྟོན་༼སོར་མོའི་འཁྱུག་འགྲོས།༽ འགྲེམས་སྟོན་དུས་ཚོད:༢༠༡༦ལོའི་ཟླ་༥པའི་ཚེས༣ཉིན་ནས་---ཟླ་༥པའི་ཚེས་༨ཉིན་བར།
༣、 བོད་ཀྱི་ཐང་གའི་དགེ་རྒན་ཆེན་མོ་ཀརྨ་བདེ་ལེགས་དང་ཁོང་གི་སློབ་མའི་བརྩམས་བྱ་འགྲེམས་སྟོན་༼སོར་མོའི་འཁྱུག་འགྲོས། ༽ འགྲེམས་སྟོན་དུས་ཚོད:༢༠༡༦ལོའི་ཟླ་༥པའི་ཚེས་༡༡ཉིན་ནས---ཟླ་༥པའི་ཚེས་༡༦ཉིན་བར།
བརྩམས་བྱའི་མིང་།རྡོ་རྗེ་འཇིགས་བྱེད། རི་མོ་བ།ལྷག་པ་ཚེ་རིང་།
བརྩམས་ཆོས་མིང་། དཔལ་ལྡན་ལྷ་མོ། རི་མོ་བ། ཀླུ་གཉན་རྒྱལ།
བརྩམས་ཆོས་མིང་། འཕགས་པ་ལྷ་སྐུ་ཕྲེང་ལྔ་བ་རྒྱལ་བ་རྒྱ་མཚོ། རི་མོ་བ། ཕྱག་རྡོར།
བརྩམས་ཆོས་མིང་། དུས་འཁོར། རི་མོ་བ། བཀྲ་ཤིས་ཟླ་བ།
བརྩམས་ཆོས་མིང་། རྒྱལ་ཆེན་ཡུལ་འཁོར་སྲུང་། རི་མོ་བ། བསྟན་པ་ཡོན་ཏན།
བརྩམས་ཆོས་མིང་། རྟ་མགྲིན། རི་མོ་བ། བསོད་ནམས་ཆོས་དར།
བརྩམས་ཆོས་མིང་། ས་སྐྱ་གོང་མ་རྣམ་ལྔ། རི་མོ་བ། པ་སངས་ནོར་བུ།
བརྩམས་ཆོས་མིང་། གུ་རུ་རིན་པོ་ཆེ། རི་མོ་བ། ཟླ་བ་དོན་གྲུབ།
བརྩམས་ཆོས་མིང་། ཇོ་རྔོག་འབྲོག་གསུམ། རི་མོ་བ། སྐལ་བཟང་མཁས་གྲུབ།
བརྩམས་ཆོས་མིང་། སྒྲུབ་བརྒྱུད་ཤིང་རྟ་བརྒྱད། རི་མོ་བ། ཁྲི་བཙུན་རབ་བརྟན།
བརྩམས་ཆོས་མིང་། རྗེ་རིན་པོ་ཆེ། རི་མོ་བ། དོན་གྲུབ།
བརྩམས་ཆོས་མིང་། རྗེ་ཙོང་ཁ་བ། རི་མོ་བ། བུ་ཆུང་།
བརྩམས་ཆོས་མིང་། རྗེ་ཡབ་སྲས་གསུམ། རི་མོ་བ། ཟླ་བ།
བརྩམས་ཆོས་མིང་། སྤྱན་རས་གཟིགས་ཕྱག་སྟོང་སྤྱན་སྟོང་། རི་མོ་བ། དབང་འདུས་རྒྱལ་མཚན།
རྩོམ་སྒྲིག་འགན་ཁུར་བ། མགར་རྩེ་ཉི་ཟེར། ཁཱ་ཤེས་རབ་རྒྱ་མཚོ། འབའ་སྣང་གྲོལ། ཨ་བུ་འབྲོང་།
|