ཡིག་རིགས་དྲུག་ཅུ་རྩ་བཞིའི་རྣམ་གྲངས་བཞུགས་སོ།།
མཁས་གྲུབ་ཐམས་ཅད་མཁྱེན་པས།
ཡིག་རིགས་དྲུག་ཅུ་རྩ་བཞི་སྟེ།།
ཚངས་པ་དང་ནི་ཁ་རོ་ཏི།།
པདྨའི་སྙིང་བོ་ཨཾ་ག་དང་།།
སང་ག་དང་ནི་མ་ག་ངྷཾ།།
བཀྲ་ཤིས་དང་ནི་སོར་མོ་དང་།།
ཤ་ཀ་དང་ཡ་བ་ནི།།
བག་ལེ་བ་དང་བ་རུ་ཤ།
འགྲོ་ལྡིང་བ་དང་ཀི་ར་ཏ།།
ལྷོ་ཕྱོགས་པ་དང་དྲག་ཤུལ་ཅན།།
གྲངས་ཡིག་དང་ནི་སྤྱིའི་བཙུགས།།
རྗེས་སུ་མཐུན་དང་འབྲུ་ཤ་དང་།།
ཁ་ཤ་དང་ནི་རྒྱ་ཡིག་དང་།།
སུ་ན་དང་ནི་ཧུ་ན་དང་།།
འབྲིང་རྒྱས་འབྲི་དང་རྒྱལ་དང་ནི།།
ལྷ་དང་ཀླུ་དང་གནོད་སྦྱིན་དང་།།
དྲི་ཟ་མིའམ་ཅི་ཡིག་དང་།།
ལྟོ་འཕྱེ་ལྷ་མིན་ནམ་མཁའ་ལྡིང་།།
རི་དྭགས་འཁོར་ལོ་བའི་ཡི་གེ།
ཁ་སྐད་ཤེས་པའི་ཡི་གེ་དང་།།
ས་བླ་དང་ནི་བར་སྣང་དང་།།
བ་གླང་སྤྱོད་དང་སྒྲ་མི་སྙན།།
ལུས་འཕགས་གླིང་གི་ཡི་གེ་དང་།།
གདེག་དང་བཞག་དང་བསྣན་པ་དང་།།
རྒྱ་མཚོ་རྡོ་རྗེ་སྤྲིང་ཡིག་ལན།།
རྣམ་རྡོར་རིངས་མེད་བསྟན་བཅོས་སྐོར།།
རྩིས་བསྐོར་བདེག་དང་བཞག་པ་བསྐོར།།
རྐང་ཤིས་ཚིག་འཚམས་ཡི་གེ་དང་།།
དེ་བཞིན་བར་གྱི་ཡི་གེ་དང་།།
བླ་ཐབས་དང་ནི་སྒྲ་ཀུན་སྡུད།།
རིགས་མཐུན་རྣམ་འདྲེ་དཀའ་ཐུབ་སྤྱད།།
ལྷང་ངེ་བ་དང་ས་ལྟ་བ།།
དེ་བཞིན་མཁའ་ལྟའི་ཡི་གེ་དང་།།
སྨིན་གྱི་རྒྱུ་མཐུན་ཡི་གེ་དང་།།
སྙིང་བོ་ཀུན་སྡུད་ཡི་གེ་དང་།།
འབྱུང་བོའི་སྒྲ་སྡུད་ཡི་གེ་སྟེ།།
རྣམ་པ་དྲུག་ཅུ་རྩ་བཞི་བོ།།
སྟོན་པས་ཀུན་གྱི་བཤེས་ལ་གསུངས།།
ཡིག་རིགས་དྲུག་ཅུ་རྩ་བཞི་སྡོམ།།
མ་ག་ཏའི་ལེན་ཙ་དང་།།
རྒྱ་མཚོ་མཐའ་དེང་ན་ག་ར།།
ཟ་ཧོར་ཨུ་ཊི་ཡ་ནའི་ཡུལ།།
ཁ་ཆེ་དང་ངྷ་རི་དང་།།
ཁྲི་ལངྐུ་དང་བྷ་ཡུ་སོགས།།
འཕགས་པའི་ཡུལ་གྱི་ཡི་གེ་དང་།།
རྒྱ་ནག་ཡུ་གུར་ཧོར་ཡིག་དང་།།
གངས་རིའི་ཁྲོད་འདིར་གྲགས་པ་སོགས།།
ཡི་གེའི་འདུ་བྱེད་མཐར་ཕྱིན་པ།།
བློ་གསལ་འཇམ་དབྱངས་གྲགས་པ་ཡི།།
འདི་བཞིན་འདྲི་བའི་འཕྲུལ་ཡིག་མཁན།།
ཡོད་ན་ཤེས་བྱའི་མེ་ལོང་ལ།།
རྣམ་དཔྱོད་གཟུགས་བརྙན་གསལ་བར་གྱིས།། མངྒ་ལཾ།
རྩོམ་ཡིག་ཕབ་བཤུ་བ། སྐབས་བཞི་བའི་མཐར་ཕྱིན་སློབ་མ་ནག་ཙན་དན།
རྩོམ་སྒྲིག་འགན་འཁུར་བ། ཁཱ་ཤེས་རབ་རྒྱ་མཚོ། མགར་ཉི་ཟེར། བན་ཤུལ་འཇམ་དབྱངས། ཨ་བུ་འབྲོང་།
|