ཟླ་བ་བཞུད་སོང་།
སྲད་བུ།༼མདོ་ལྷོ༽
མཚན་སྨག་གིས་མཐའ་ནས་དེད་པས
ཟླ་བ་རི་ལ་ནུབ་སོང
ཟླ་བར་འཁྲེང་བའི་བུ་ལོ
སེམས་པ་སྐྱོ་ལྷང་ལྷང མིག་ཆུ་ཁྲོམ་ཁྲོམ
མུན་ནག་གི་འཇིག་རྟེན་ལ་བརྫངས
ཟླ་བ་བཞུད་སོང
འཇིག་རྟེན་ཞིག་གི་འོད་སྣང་གི་ཆེད
འཁོར་བ་ཞིག་གི་སྡུག་བསྔལ་གྱི་ཆེད
རི་བོ་འདིའི་ཕ་རོལ་ལ་བཞུད་སོང
འཇིག་རྟེན་གྱིས་མུན་པ་གྱོན་ནས་སླེབས་དུས
ས་གཞིའི་མི་རྣམས་སྐྲག་ཅིང་འདར
སེམས་པའང་བློང་བློང་བོར་གྱུར
ད་དུང་ངུ་ངག་གི་དབྱངས་འགྲོས་ཤིག
ས་ཆེན་གཤགས་ནས་ནམ་མཁའི་མཐའ་ལ་ཁྱབ
ཟླ་བ་བཞུད་སོང
གསེར་གྱི་ཐིགས་པ་ཞིག་རྟེན་དུ་བཞག་ནས
དངུལ་གྱི་མེ་ལོང་ཞིག་ཤུལ་དུ་བཞག་ནས
རྡུལ་གྱིས་མ་གོས་པའི་འཇིག་རྟེན་ཞིག་ལ
དེ་རིང ཟླ་བ་བཞུད་སོང་ཟེར་བས
ལྷའི་སྤྱན་ཆབ་ཀྱང་རྒྱ་མཚོར་འདྲེས
མིའི་སྨྲེ་སྔགས་ཀྱི་འོ་དོད་ཀྱིས་གནམ་ས་འགེངས
༢༠༡༤ལོའི་ཟླ༡༡ཚེས༢༥ཉིན།
རྩོམ་སྒྲིག་འགན་འཁུར་བ། ཁཱ་ཤེས་རབ་རྒྱ་མཚོ། མགར་རྩེ་ཉི་ཟེར། ཨ་བུ་འབྲོང་། བན་ཤུལ་འཇམ་དབྱངས།
|