གངས་ལྗོངས་མུན་སེལ་སྣང་བྱིན་སློབ་གྲྭའི༢༠༢༠ལོའི་ཟླ་དགུ་བའི་སློབ་མ་བསྡུ་ལེན་བརྡ་ཐོ།
དང་བོ། སློབ་གྲྭའི་ངོ་སྤྲོད་རགས་བསྡུས།
གངས་ལྗོངས་མུན་སེལ་སྣང་བྱིན་སློབ་གྲྭ་ནི་སྤྱི་ལོ༢༠༠༥ལོར་དཔའ་ལུང་བ་ཤེས་རབ་རྒྱ་མཚོས་རང་གི་འབད་འབུངས་ལ་བསྟུན་ནས་བཙུགས་པའི་སྒེར་བཙུགས་སློབ་གྲྭ་ཞིག་ཡིན་ཞིང་། སྤྱི་ལོ༢༠༡༩ལོའི་ཟླ་གསུམ་པ་ནས་བཟུང་ཞིང་ཆེན་དང་རྫོང་སོགས་གོང་རིམ་ལས་ཁུངས་ཁག་གི་ཆོག་མཆན་འོག་ཆེད་ལས་སློབ་གྲྭར་བསྒྱུར་ཏེ། ད་ལྟ་བོད་ཀྱི་ལྷ་རིས་སྒྱུ་རྩལ་དང་བོད་ལུགས་སྲོལ་རྒྱུན་མགར་བཟོའི་ལག་རྩལ། ལྭ་བ་ཇུས་འགོད་དང་འཚེམ་བཟོའི་ལག་ཤེས། གཙག་དྲུབ། འཇིམ་བཟོ། རས་འཐག་ལག་རྩལ་སོགས་ཀྱི་ཆེད་སྦྱོང་འཛིན་གྲྭ་བདུན་བསྒྲུབས་འཆར་ཡོད་པར་མ་ཟད། ཆེད་སྦྱོང་འཛིན་གྲྭ་སོ་སོར་ཆེད་སྦྱོང་གི་བསླབ་གཞི་གཙོས་བོད་རྒྱ་རྩིས་གསུམ་དང་གློག་ཀླད་སོགས་ཀྱི་སློབ་ཁྲིད་འཐུས་ཚང་རེའང་བཀོད་སྒྲིག་བྱས་ཡོད།
གཉིས་པ། སློབ་བསྡུའི་གནས་ཚུལ།
སྤྱི་ལོ༢༠༢༠ལོའི་ཟླ༩བའི་ཚེས༡ཉིན་ནས་ཟླ༩བའི་ཚེས༡༠ཉིན་བར་ལྷ་རིས་སྒྱུ་རྩལ་དང་ལྭ་བ་འཚེམ་བཟོ་ཆེད་སྦྱོང་། ལྭ་བ་ཇུས་འགོད་དེ་ཆེད་སྦྱོང་འཛིན་གྲྭ་གསུམ་དུ་སློབ་མ་ལྔ་བཅུ་རེ་བསྡུ་འཆར་ཡོད། སློབ་མ་གསར་བསྡུའི་ཆ་རྐྱེན་གཙོ་བོ་ནི་སློབ་འབྲིང་མཐར་ཕྱིན་ཟིན་པའི་སློབ་མ་ཡིན་དགོས་ཞིང་དམིགས་བསལ་སློབ་ཆུང་དང་སློབ་གྲྭར་འགྲིམས་མ་མྱོང་ཡང་ལོ༡༦ནས༢༨བར་གྱི་སློབ་མ་འགའ་ཡང་སློབ་མའི་སྒེར་གྱི་གནས་ཚུལ་ལ་གཞིག་ནས་བསྡུ་རྒྱུ་ཡིན་པས། གོང་གསལ་གྱི་ཆེད་སྦྱོང་ཁག་ལ་མོས་པ་ཡོད་མཁན་དག་གིས་གོ་སྐབས་དམ་འཛིན་གྱིས་མིང་ཐོ་འགོད་རོགས་འཚལ། གཞན་ཡང་ངེད་སློབ་གྲྭས་ཞིང་ཆེན་དང་ཁུལ་སོགས་ས་གནས་ལ་བལྟོས་མེད་དུ་སློབ་མ་བསྡུ་རྒྱུ་ཡིན་པར་མ་ཟད། སློབ་མར་སློབ་ཡོན་མི་བསྡུ་ལ་བཟའ་བཏུང་སོགས་ཀྱང་སློབ་གྲྭས་འགན་བླངས་ནས་ལོ་གསུམ་གྱི་རྗེས་ནས་མཐར་ཕྱིན་འཛིན་ཡིག་ཀྱང་སྤྲད་རྒྱུ་ཡིན།
སློབ་གྲྭའི་གནས་ཚུལ་ཞིབ་པར་ཤེས་འདོད་པའམ་སློབ་གྲྭར་མིང་ཐོ་དགོད་བསམ་ན་གཤམ་གྱི་འབྲེལ་གཏུག་ཁ་པར་ཨང་གྲངས་བརྒྱུད་ནས་དྲ་བར་མིང་ཐོ་དགོད་ཆོག
འབྲེལ་གཏུགས་ཁ་པར།
དགེ་རྒན་རྟ་མགྲིན་སྐྱབས།
18297044544
དགེ་རྒན་སངས་རྒྱས་སྐྱབས།
17697313513
གངས་ལྗོངས་མུན་སེལ་སྣང་བྱིན་སློབ་གྲྭས།
|