རྭ་རྒྱའི་མཐར་ཕྱིན་སློབ་མ་ཧོར་འཆི་མེད་ཀྱིས་ཚེ་འབར་ཨོང་བའི་མཐུན་གཉེར་ཁང་བཙུགས་པ།-གངས་ལྗོངས་ཤེས་རིག་ནོར་བུའི་སློབ་གླིང་།»བརྩམས་ཆོས་པར་འདེབ་པར་ངོས།

གངས་ལྗོངས་ཤེས་རིག་ནོར་བུའི་སློབ་གླིང་གི་སྐབས་བཅུ་དགུ་བའི་མཐར་ཕྱིན་སློབ་མ་ཧོར་འཆི་མེད་ཀྱིས་ཚེ་འབར་ཨོང་བའི་མཐུན་གཉེར་ཁང་བཙུགས་པ།

ཚེ་འབར་མཐུན་གཉེར་ཁང་ནི་སྤྱི་ལོ༢༠༡༧ལོའི་སྤྱི་ཟླ༩བའི་ཚེས༧ཉིན་རྨ་ལྷོ་སོག་རིགས་རང་སྐྱོང་རྫོང་ནས་ཐོ་འགོད་ལེགས་འགྲུབ་བྱུང་ཞིང་མིང་ཁ་ཚང་ལ་༼རྨ་ལྷོ་སོག་རྫོང་ཚེ་འབར་རང་བྱུང་འབར་རྫས་ལས་སྣོན་ཚད་ཡོད་མཐུན་གཉེར་ཁང་།༽ཞེས་ཟེར་ཞིང་ཐོ་འགོད་མ་དངུལ་སྒོར༡༠༠༠༠༠༠ཁྲི༡༠༠)ཡིན་པ་དང་ཁྲིམས་ཀྱི་འགན་འཁུར་བ་ཧོར་འཆི་མེད་དམ་འཆི་མེད་ཚེ་རིང་དང་། འགན་འཛིན་པ་གཙོ་བོ་ཧོར·འཆི་མེད་ཚེ་རིང་།. འགན་འཛིན་པ་གཞོན་པ་ལུང་རྟོགས་བཅས་ཡིན། ངེད་མཐུན་གཉེར་ཁང་གི་རྨང་གཞིའི་འཛུགས་སྐྲུན་ལ་ད་སྔ་དམངས་སྒོར་ཁྲི་50ལྷག་བཏང་ཡོད་པ་དང་། ལོ་རྗེས་མ་ནས་བཟུང་མ་དངུལ་མང་པོ་བཏང་ནས་རང་རེའི་འབྲོག་ཁུལ་གྱི་ཁུལ་དང་རྫོང་སོ་སོ་ནས་ཡན་ལག་ཁང་དང་ཕྱིར་འཚོང་ས་ཚུགས་མང་པོ་འཛུགས་རྩིས་ཡོད་པས་མོས་པ་ཡོད་མཁན་དག་གིས་དཔུང་བ་མཉམ་གཤིབ་ཀྱིས་མ་འོངས་པའི་ལམ་ཁ་འཚོལ་ཆོག ལྷག་པར་དུ་ངེད་མཐུན་གཉེར་ཁང་གིས་ཚོང་རྟགས་འཐབ་ཇུས（品牌战略）་དང་ཁེ་ལས་རིག་གནས་འཐབ་ཇུས།（企业文化战略） ཤེས་ལྡན་མི་སྣའི་འཐབ་ཇུས་（人才战略）སོགས་འཐབ་ཇུས་ཆེན་པོ་གསུམ་གཞི་སྙིང་དུ་བྱས་ཏེ་རང་རེའི་ལྕི་བའི་རིག་གནས་འདི་མུ་འཐུད་ནས་འཕེལ་རྒྱས་དང་ཐོན་སྐྱེད་དང་ཚོང་གཉེར་གཞི་རྒྱ་ཇེ་ཆེར་གཏོང་རྩིས་ཡོད།

ཚེ་འབར་ཨོང་བ་ནི་ངེད་མཐུན་གཉེར་ཁང་གིས་ཆེས་ཐོག་མར་སྤྱི་ཚོགས་སུ་བཀྲམ་པའི་ཐོན་རྫས་ཤིག་ཡིན། དེ་ཡང་ང་ཚོས་བེད་མེད་ལུད་རྫས་དང་ཨོང་བ་གཉིས་གཙོ་བྱས་པའི་བོད་རང་གི་སྲོལ་རྒྱུན་གྱི་འབར་རྫས་དག་ལས་སྣོན་བྱས་ཏེ་འབར་ཡུན་སྔར་ལས་རིང་ཞིང་འབར་ཤུགས་སྔར་ལས་ཆེ་བའི་འབར་རྫས་ཤིག་ཏུ་བཏང་ཡོད།

ཚེ་འབར་ཨོང་བ་ཐོན་སྐྱེད་བྱེད་བཞིན་པ།

རིན་གོང་བདེ་ཞིང་འབར་ཡུན་རིང་བའི་ཚེ་འབར་ཨོང་བ།

ཚེ་འབར་ཨོང་བའི་ཁྱད་ཆོས་ནི།

གཉིས། རྡོ་སོལ་འབར་ཡུན་རིང་ཡང་རིན་གོང་བདེ་བའི་དཔལ་འབྱོར་འགྲོ་གྲོན་ཉུང་བའི་ཁྱད་ཆོས་ལྡན།

གསུམ། ཐོན་རྫས་ལ་བསླད་བསྲེས་མེད་པས་མཁའ་དབུགས་དང་ཁོར་ཡུག་སྲུང་སྐྱོབ་ལ་ཕན་པ།

བཞི། ང་ཚོའི་མཐོ་སྒང་དུ་ལོ་ངོ་སྟོང་ལྔའི་ཡན་ནས་ཨོང་བ་སྤྱོད་པའི་ལོ་རྒྱུས་ཡོད་པས་ཚེ་འབར་ཨོང་བ་སྤྱད་ན་རིག་གནས་རྒྱུད་འཛིན་གྱི་རིན་ཐང་ལྡན་པ། ལྔ། ཐོན་རྫས་ཀྱི་རྒྱུ་ཆ་མཐའ་དག་འབྲོག་ཁུལ་ནས་བསྡུས་ཏེ་ཡོང་བས་རང་གཞན་འབྲོག་དམངས་ཀུན་གྱི་དཔལ་འབྱོར་ལ་ཕན་ཁེ་ཆེ་བས་མི་རིགས་རང་བཞིན་གྱི་ཁྱད་ཆོས་ལྡན་པ།