གངས་ལྗོངས་གཅེས་ནོར་བཟོ་གྲྭའི་གསར་འགྱུར།
2021.ལོའི་སྤྱི་ཟླ་12པའི་ཚེས་28—30ཉིན་བར་མཚོ་སྔོན་ཞིང་ཆེན་མགོ་ལོག་ཁུལ་གངས་ལྗོངས་གཅེས་ནོར་འགན་འཁྲི་ཚད་ཡོད་མཐུན་གཉེར་ཁང་གིས་ལོ་རེའི་འཆར་ཅན་ལྟར་བཟོ་གྲྭའི་ནང་ཁུལ་གྱི་ཏང་གི་རྩ་འཛུགས་དང་བཟོ་ཚོགས། བུད་མེད་ལྷན་ཚོགས་སོགས་མཉམ་རུབ་ཀྱིས་སྔ་ཕྱིར་དམངས་སྒོར་48000.00བཞི་ཁྲི་བརྒྱད་སྟོང་ལྷག་གི་མ་དངུལ་བཏང་སྟེ་སྤྱི་ཕན་བྱ་འགུལ་སྤེལ། ཐེངས་འདིའི་བྱ་འགུལ་ཁྲོད་བཟོ་གྲྭའི་འགོ་ཁྲིད་བསྟན་རྒྱམ་སོགས་ཀྱིས་སྣེ་ཁྲིད་འོག་མགོ་ལོག་ཁུལ་རྨ་ཆེན་རྫོང་རྨ་སྟོད་གནས་སྤོར་གཞིས་ཁུལ་དང་། འཇིགས་མེད་གཞིས་ཁུལ། གངས་ལུང་གནས་སྤོར་གཞིས་ཁུལ་སོགས་སུ་སོང་ནས་ལོ་ལོན་རྒན་གྲས་དག་ལ་མཚམས་འདྲིའི་ལེགས་སྐྱེས་ཕུལ་བ་དང་། གངས་ལྗོངས་ཤེས་རིག་ནོར་བུའི་སློབ་གླིང་དང་གངས་ལྗོངས་རྩྭ་ཐང་བུ་མོ་སློབ་གྲྭ་གཉིས་ཀྱི་དགེ་སློབ་ཡོངས་ལ་ལྷད་མེད་ཐོན་རྫས་གསར་བ་འབྲི་འོ་ནས་སྦྱར་ཀ་ར་དང་འབྲི་མོའི་འོ་ཕྱེ་སོགས་ཀྱིས་ཞལ་འདེབས་ཕུལ། དེ་མིན་གངས་ལྗོངས་གཅེས་ནོར་མཐུན་གཉེར་ཁང་གི་ལས་བཟོ་བ་ཡོངས་ལ་ལེགས་སྐྱེས་ཕུལ་ནས་སྐུལ་མ་བྱས་པ་དང་མ་འོངས་པའི་འཕེལ་རྒྱས་ལ་རེ་བ་དང་ཡིད་ཆེས་བརྟན་པོ་བསྩལ།
རྨ་ཆེན་རྫོང་རྨ་སྟོད་གནས་སྤོར་གཞིས་ཁུལ་དུ་བྱ་འགུལ་སྤེལ་བ།
གངས་ལུང་གནས་སྤོར་གཞིས་ཁུལ་དུ་བྱ་འགུལ་སྤེལ་བ།
འཇིགས་མེད་གཞིས་ཁུལ་དུ་བྱ་འགུལ་སྤེལ་བ།
གངས་ལྗོངས་ཤེས་རིག་ནོར་བུའི་སློབ་གླིང་དུ་བྱ་འགུལ་སྤེལ་བ།
གངས་ལྗོངས་བུ་མོའི་སློབ་གླིང་དུ་བྱ་འགུལ་སྤེལ་བ།
གྱོན་ཆས་གནང་བའི་བྱ་འགུལ།
གངས་ལྗོངས་གཅེས་ནོར་བཟོ་གྲྭར་བྱ་འགུལ་སྤེལ་བ།
གསར་འགོད་པ། རྭ་བསིལ་རླུང་།
|