གངས་ལྗོངས་གཅེས་ནོར་འགན་འཁྲི་ཚད་ཡོད་མཐུན་གཉེར་ཁང་གི་ལས་དོན་འཇོན་ནུས་གསོ་སྦྱོང་སྤེལ་བ།
༢༠༡༧ལོའི་༤བའི་ཚེས༢༢ཉིན་གངས་ལྗོངས་ཤེས་རིག་ནོར་བུའི་སློབ་ཚོགས་དང་གངས་ལྗོངས་གཅེས་ནོར་འོ་ལས་ཚད་ཡོད་མཐུན་གཉེར་ཁང་གཉིས་མཉམ་འབྲེལ་སྒོས་བསྡུས་པའི་བོད་ཁུལ་ཡོངས་ཀྱི་གངས་ལྗོངས་གཅེས་ནོར་མཐུན་གཉེར་ཁང་གི་འབྲི་མོའི་འོ་མའི་ཐོན་རྫས་ཚབ་ཚོང་མི་སྣ་རང་སློབ་གླིང་གི་མཐར་ཕྱིན་སློབ་མའི་ཁྲོད་ནས་བདམས་པའི་སྐབས་དང་བོའི་གསོ་སྦྱོང་ཚོགས་འདུ་སྟེ་ཚོང་དཔོན་ནོར་བུ་བཟང་བོའི་ཚོང་དོན་གྱི་ལམ་ལུགས་བསྙེགས་པ་ཞེས་པ་མགོ་ལོག་ཁུལ་དུ་གཟབ་རྒྱས་ངང་འཚོགས་ཤིང་། ཐེངས་འདིའི་གཟབ་སྦྱོང་སྟེང་དུ་བོད་ཁུལ་ཡོངས་ནས་སླེབས་པའི་མཐར་ཕྱིན་སློབ་མ་ལྔ་བཅུ་ལྷག་མཉམ་དུ་འདུས། ཚོགས་ཐོག་ཏུ་དགེ་རྒན་འཇིགས་མེད་རྒྱལ་མཚན་ལགས་ཀྱིས་གངས་ལྗོངས་འོ་ལས་འཕེལ་རྒྱས་མཐུན་གཉེར་ཁང་གི་སྤྱིའི་ཁ་ཕྱོགས་དང་ཚོང་དཔོན་ནོར་བུ་བཟང་བོས་ཚོང་དོན་གྱི་ལམ་ལུགས་བསྙེགས་པའི་ཁ་ཕྱོགས་གཉིས་འབྲེལ་ནས་སློབ་གསོ་དང་ཁེ་ལས་ཕྱོགས་ནས་གཏམ་བཤད་གནད་དུ་འཁེལ་བ་གནང་ཞིང་། ཐོན་མིའི་སློབ་ཚོགས་ཀྱི་འགོ་བ་ཁཱ་ཤེས་རབ་རྒྱ་མཚོ་ལགས་ཀྱིས་ཐོན་མིའི་སློབ་ཚོགས་ཀྱི་ལོ་རྒྱུས་དང་འབྲེལ་ནས་ཐོན་མིའི་སློབ་ཚོགས་དང་སྤྲི་ཆར་བཟོ་གྲྭ་མཉམ་སྦྲེལ་བྱས་པའི་དོན་སྙིང་ཕྱོགས་ནས་གཏམ་བཤད་བྱས། ཐོན་མིའི་སློབ་ཚོགས་ཀྱི་དྲུང་ཡིག་ཆེན་མོ་འབའ་སྣང་གྲོལ་ལགས་ཀྱིས་ང་ཚོ་ཅི་ཞིག་གི་ཆེད་དུ་མཉམ་གཅིག་ཏུ་འདུས་པ་དང་། ང་ཚོས་ལས་ཀ་འདི་དོན་སྙིང་ཅན་ཞིག་ཡིན་པ་ངོས་ཟིན་རྒྱུ། ང་ཚོའི་བསམ་བློ་དང་རྩལ་ནུས་མི་འདྲ་བ་ཕུགས་བསམ་གཅིག་ལ་འདྲེན་ཐུབ་དགོས་པ་བཅས་བརྗོད་གཞི་གསུམ་གྱི་སྟེང་ནས་གཏམ་བཤད་བྱས་ཤིང་།
འོ་ཕྱེ་བཟོ་གྲྭའི་འགོ་གཙོ་ཚེ་ཐར་འབུམ་ལགས་ཀྱིས་ཐོན་ལས་ཀྱི་བྱེད་ལས་དར་སྤེལ་དང་ཐོན་རྫས་གསར་གཏོད་དར་སྤེལ་ཕྱོགས་ནས་གཏམ་བཤད་གནང་། གངས་ལྗོངས་གཅེས་ནོར་འོ་ལས་ཚད་ཡོད་་མཐུན་གཉེར་ཁང་གི་ནོར་སྲིད་འགོ་གཙོ་པད་མ་མཁའ་འགྲོ་ལགས་ཀྱིས་གངས་ལྗོངས་འོ་མའི་གཅེས་ནོར་མཐུན་གཉེར་ཁང་གི་བརྒྱུད་རིམ་མཚམས་སྦྱོར་དང་འབྲེལ་ནས་ཚོང་ར་སྤྱིའི་ལམ་ལུགས་ཀྱི་ཕྱོགས་ནས་གཏམ་བཤད་གནང་། ཕྱིར་ཚོང་འགོ་བ་ཏིང་འཛིན་ལགས་ཀྱིས་གངས་ལྗོངས་གཅེས་ནོར་འོ་ཕྱེ་བོད་ཁུལ་ཕྱིར་ཚོང་ཕྱོགས་ཀྱི་ཆེད་ཁྲིད་བྱས་ཤིང་། ཆེད་ཁྲིད་ཀྱི་མཇུག་ཏུ་མཉམ་དུ་བགྲོ་གླེང་དང་དྲི་བ་དྲིས་ལན་གནད་དུ་འཁེལ་བ་བྱས་པར་མ་ཟད། བོད་ཁུལ་ཡོངས་ནས་མཐར་ཕྱིན་སློབ་མ་གཉིས་རེ་ཁ་རྒྱུགས་དང་འབྲེལ་ནས་ཕྱོགས་ཡོངས་ཀྱི་རྒྱུས་ལོན་ཁྲོད་བདམས་ཐོན་བྱུང་ཞིང་། མཐར་གངས་ལྗོངས་གཅེས་ནོར་འོ་ལས་ཚད་ཡོད་མཐུན་གཉེར་ཁང་དང་རྨ་རྒྱལ་འབྲོག་ལས་འཕེལ་རྒྱས་ཚད་ཡོད་མཐུན་ཁང་གཉིས་ལ་གཟིགས་སྐོར་དང་བཅས་ཐེངས་འདིའི་ཚོགས་འདུ་བདེ་བླག་ངང་མཇུག་ཡོངས་སུ་རྫོགས་སོ།།
རྒྱུན་ལས་འགོ་གཙོ་རྣམས་ཀྱིས་གཏམ་བཤད་གནང་བཞིན་པ།
ཚོགས་ཞུགས་མི་སྣར་ཚོང་ལས་བྱེད་ཐབས་སྐོར་གྱི་དྲི་བ་གཏོང་བཞིན་པ།
དྲི་གཞི་ལ་གཟབ་ནན་གྱིས་ཉན་པ།
ཚབ་ཚོང་བྱེད་ཐབས་ཐད་ཀྱི་ཁ་རྒྱུགས་ལེན་བཞིན་པ།
ཐོན་རྫས་ཐོན་བསྐྱེད་བྱེད་ཐབས་སྐོར་ངོ་སྤྲོད་གནང་བ།
ཚོགས་འདུའི་ཡུལ་ངོས།
ཚོགས་འདུའི་ཡུལ་ངོས།
ཚོགས་ཞུགས་མི་སྣའི་མཉམ་པར།
|