དེབ་ཁྲི་ལྷག་གིས་བསྐྲུན་པའི་དཔེ་དེབ་ཀྱི་ཁྲོན་པ།
2016/11/30 20:58:30
ཞིས་ཨན་གྲོང་ཁྱེར་གྱི་མཛའ་བརྩེའི་ལམ་གྱི་མི་ཚང་ཞིག་ཏུ་དཔེ་དེབ་ཧ་ལམ་ལྗིད་ཚད་ཏུན4ལ་ཉེ་བ་ཞིག་ཡོད་པ་དང་། དཔེ་དེབ་ཁྲི་ལྷག་གིས་ཁྲོན་པའི་དབྱིབས་ཀྱི་དཔེ་ཁང་ཆུང་ཆུང་ཞིག་རྩིག་བཟོ་བྱས་ཡོད། འདིའི་སྦྱིན་བདག་གིས་དཔེ་ཚོང་ཁང་འདི་འདྲ་ཞིག་གཉེར་དོན་ནི་རང་གི་བྱིས་པ་སློབ་གྲྭ་འགྲོ་བར་སྡོད་རོགས་བྱེད་པའི་སླད་དུ་རེད། ཁོ་མོས་བསྟན་དོན། དཔེ་ཚོང་ཁང་འདི་ལ་འཆར་འགོད་བྱེད་སྐབས་ཏག་ཏག་བྱིས་པ་སློབ་ཆུང་ནས་དམའ་འབྲིང་ལ་འགྲོ་བའི་སྐབས་དང་ཁེལ་ཡོད་པ་དང་། སྦྱང་འབྲས་དང་འཚར་ལོངས་བྱུང་བའི་དུས་རིམ་གཉིས་ཀྱི་བར་དུ་སེམས་ཁྲལ་དང་དཀའ་སྡུག་བརྩེགས་མ་ཡོད་པས། ཁྱིམ་བདག་ཅིག་གི་ངོས་ནས་བཤད་ན་འདི་གཉིས་བར་གདམ་གསེས་བྱེད་པའང་ཧ་ཅང་དཀའ་ཞིང་བྱིས་པ་ཉིན་ལྟར་ཟབ་སྦྱོང་འཛིན་གྲྭ་སྣ་ཚོགས་ནང་ཞུགས་སུ་བཅུག་པ་ཡིན་ཟེར།
སློབ་གྲྭའི་ཉེ་ཁོར་དུ་དཔེ་ཁང་འདི་འདྲ་ཞིག་གཉེར་བའི་དམིགས་ཡུལ་ནི་ཐོག་མར་རང་གི་བྱིས་པ་སློབ་གྲྭར་བསྐྱོད་པ་སྟབས་བདེ་འོང་ཆེད་དང་དེ་ལས་གཞན་ནི་ཁྱིམ་བདག་གཞན་དག་ལ་ངལ་གསོ་དང་མཛའ་མཐུན་གྱིས་བསམ་ཚུལ་གླེང་མོལ་བྱེད་པའི་གནས་ཤིག་གི་བསྐྲུན་པའང་ཡིན་ཟེར། ཡིན་ནའང་ད་ལྟའི་ཁོ་མོའི་བསམ་ཚུལ་ནི་ཁོམ་ལོང་ཡོད་སྐབས་ཁྱིམ་བདག་གིས་རང་གི་བྱིས་པ་ཕྱི་རོལ་ཏུའང་ཁྲིད་དེ་བལྟ་རྒྱ་དང་མཐོང་རྒྱ་ཆེ་རུ་གཏོང་བ་ལས་སློབ་དེབ་ཁོ་ནའི་ཁྲོད་སྡོད་པའི་སློབ་མ་ཞ་བོ་ཞིག་ཏུ་འགྱུར་བར་བྱེད་མི་རུང་བ་དེའོ།།
དཔེ་དེབ་ཀྱི་ཁྲོན་པ་འདི་ལ་མཚམས་དང་མཚམས་སུ་དཀར་གསལ་གྱི་སྒེའུ་ཁུང་ཡང་བཟོ་བཀོད་བྱས་ཡོད།
ཁྲོན་པ་འདིའི་ནང་ནས་ཡར་འགྲེངས་ཚེ་རང་ཉིད་ནི་དཔེ་དེབ་ཀྱི་རྒྱ་མཚོའི་འཇིངས་སུ་སླེབས་པ་དང་གཉིས་སུ་མ་མཆིས།
དཔེ་དེབ་ཁྲི་ལྷག་གིས་བསྐྲུན་པའི་དཔེ་དེབ་ཀྱི་ཁྲོན་པ།
དཔེ་དེབ་ཀྱི་ཁྲོན་པ་འདིས་ཁང་བརྩེགས་གཉིས་མཐོ་ཚད་ཀྱི་བང་རིམ་བརྟོལ་ནས་ཡོད།
"ཁྲོན་པ"འདིའི་ནང་ནས་མགོ་བོ་ཡར་ལ་བཏེགས་ཏེ་བལྟས་ཚེ་རང་དབང་མེད་པར་ཁྲོན་པའི་ནང་གི་སྦལ་བས་གནམ་ལ་བལྟ་བའི་ཚོར་བ་ཞིག་འགོག་མེད་དུ་སྐྱེས་འོང་།
གསར་འགྱུར་མཁོ་སྤྲོད་པ་དང་ཡིག་སྒྱུར་བ། གསར་འགོད་པ། གསེར་ལག་འཇམ་དབྱངས་ཚུལ་ཁྲིམས།
|