གངས་ལྗོངས་ཤེས་རིག་ནོར་བུའི་སློབ་གླིང་གི་འབའ་རྫོང་མཐར་ཕྱིན་སློབ་མའི་མཉམ་འཛོམས་སྐབས་དང་བོ་འཚོགས་པ། 

   ༢༠༡༦ལོའི་སྤྱི་ཟླ་༧ཚེས་ཉེར་གསུམ་ཉིན་གངས་ལྗོངས་ཤེས་རིག་ནོར་བུའི་སློབ་གླིང་གི་ལོ་ངོ་ཉི་ཤུའི་རིང་གི་འབའ་རྫོང་མཐར་ཕྱིན་སློབ་མའི་མཉམ་འཛོམས་སྐབས་དང་བོ་འབའ་རྫོང་དུ་འཚོགས་ཤིང་། སློབ་གྲོགས་མཉམ་འཛོམས་སྟེང་དུ་གངས་ལྗོངས་ཤེས་རིག་ནོར་བུའི་སློབ་གླིང་གི་ཐོན་མིའི་སློབ་ཚོགས་ཀྱི་ཚོགས་གཙོ་དགེ་རྒན་འོད་ཟེར་ལགས་ཀྱིས་ཐོན་མིའི་སློབ་ཚོགས་མཚམས་སྦྱོར་དང་འབྲེལ་ནས་གསུང་བཤད་གནང་བར་མ་ཟད།  ཐོན་མིའི་སློབ་ཚོགས་ཀྱི་དྲུང་ཡིག་ཆེན་མོ་འབའ་སྣང་གྲོལ་དང་རྭ་རྒྱ་འཕྲིན་ལས།  གསེར་ལག་བློ་བཟང་ཡེ་ཤེས་སོགས་སློབ་གྲོགས་རྣམས་ཀྱིས་ཏང་དང་མེས་རྒྱལ་གྱི་ཡང་དག་པའི་སྲིད་ཇུས་ཀྱི་ཁ་ཕྱོགས་དང་མཐུན་པ།  སྤྱི་ཚོགས་བདེ་འཇགས་དང་འཆམ་མཐུན་གཙོར་བཟུང་གི་སྒོ་ནས་འབའ་རྫོང་མཐར་ཕྱིན་སློབ་མ་རྣམས་ཀྱིས་ཕ་ཡུལ་འབའ་རྫོང་གི་འཕེལ་རྒྱས་ཀྱི་ཐད་ལ་ནུས་པ་ཇི་ལྟར་འདོན་དགོས་ཚུལ་སོགས་ཀྱི་ཐད་ནས་རང་རང་གི་བསམ་ཚུལ་སྦ་གསང་མེད་པར་ཞུས་ཤིང་།  མཇུག་ཏུ་མཐར་ཕྱིན་སློབ་གྲོགས་རྣམས་ཀྱི་ཁྲོད་ནས་དགེ་རྒན་མགོན་པོ་རྒྱལ།   ནག་བཟའ་བློ་བཟང་ཆོས་གྲགས།  འབའ་ཤེས་རབ་རྒྱ་མཚོ།  གུ་རུ། དོན་གྲུབ་རྒྱལ་བཅས་མི་སྣ་ལྔ་མཐར་ཕྱིན་སློབ་གྲོགས་རྣམས་ཀྱི་སྣེ་ཁྲིད་དུ་མང་གཙོའི་སྒོ་ནས་བདམས་ཐོན་བྱུང་ནས་བདེ་བླག་ངང་སློབ་གྲོགས་མཉམ་འཛོམས་མཇུག་རྫོགས། 

མཐར་ཕྱིན་སློབ་མ་རྣམས་ཀྱིས་སློབ་གསོའི་ཕྱོགས་ཀྱི་ལབ་གླེང་སྣ་ཚོགས་བྱེད་བཞིན་པ།

མཐར་ཕྱིན་སློབ་གྲོགས་རྣམས་ཀྱིས་རང་རང་གི་བསམ་ཚུལ་ཞུ་བཞིན་པ། 

སློབ་གྲོགས་སོ་སོའི་བསམ་ཚུལ་ལ་ཉན་བཞིན་པ།  

བསམ་ཚུལ་ལ་དཔྱད་སྡུར་བྱེད་བཞིན་པ། 

སྣེ་ཁྲིད་དུ་བདམས་ཐོན་བྱུང་བའི་སློབ་གྲོགས་རྣམས་ལ་ཁ་བཏགས་ཕུལ་ནས་རྟེན་འབྲེལ་ཞུ་བཞིན་པ། 

སྣེ་ཁྲིད་དུ་བདམས་ཐོན་བྱུང་བའི་སློབ་གྲོགས་རྣམ་པ། 

སྐོར་དང་སྐོར་བྱས་ནས་རང་མོས་ཀྱི་ལབ་གླེང་སྣ་ཚོགས་བྱེད་བཞིན་པ། 

སློབ་གྲོགས་མཉམ་འཛོམས་ཀྱི་ཞལ་ཟས་ལ་རོལ་བ། 

རྩོམ་སྒྲིག་འགན་འཁུར་བ།  ཁཱ་ཤེས་རབ་རྒྱ་མཚོ།  མགར་ཉི་ཟེར། བན་ཤུལ་འཇམ་དབྱངས། ཨ་བུ་འབྲོང་།