གངས་ལྗོངས་ཤེས་རིག་ནོར་བུའི་གླིང་གི་སློབ་དཔོན་ཆེན་མོ་ལྡོང་ཡོན་རྒྱ་མཚོ་མཆོག་གིས་རྔ་བ་ཁུལ་ཁྱུང་མཆུ་རྫོང་དུ་སློབ་གསོའི་མཛད་འཕྲིན་བསྐྱངས་པ།
སི་ཁྲོན་རྔ་བ་ཁུལ་ཁྱུང་མཆུ་རྫོང་གི་སློབ་གཙོ་རྣམས་ཀྱིས་གདན་འདྲེན་ཞུས་པ་བཞིན་རང་སློབ་གྲྭའི་སློབ་དཔོན་ཆེན་མོ་ལྡོང་ཡོན་ཏན་རྒྱ་མཚོ་མཆོག་སྤྱི་ལོ་༢༠༡༥ ལོའི་སྤྱི་ཟླ་༩་བའི་ཚེས་༥ཉིན་ཁྱུང་མཆུ་རྫོང་མི་རིགས་སློབ་འབྲིང་དུ་ཕེབས་ཏེ་སློབ་གསོའི་མཛད་འཕྲིན་བསྐྱངས་ཤིང་། སྐད་གཉིས་སྨྲ་བའི་དགེ་རྒན་ཉིས་བརྒྱ་ལྷག་ལ་དགེ་རྒན་གྱི་འགན་འཁྲི་ཞེས་པའི་བརྗོད་གཞི་དང་འབྲེལ་ནས་འཆད་ཁྲིད་ཞིབ་རྒྱས་གནང་བ་དང་། འཆད་ཁྲིད་ཀྱི་མཇུག་ཏུ་ཉམས་མྱོང་དང་སེམས་ཤུགས་མཐོ་བའི་དགེ་རྒན་མང་བོས་མི་རིགས་སློབ་གསོའི་གནས་བབས་ཀྱི་ཟུར་སྣ་ཚོགས་ནས་དྲི་བ་བཏོན་པར་ཁ་གསལ་དོན་འདུས་ཀྱི་ལན་གནང་སྟེ་ཐེངས་འདིའི་འཆད་ཁྲིད་བདེ་བླགས་ངང་མཇུག་རྫོགས་པ་དང་། མཇུག་ཏུ་སློབ་གླིང་དེའི་མཐར་ཕྱིན་སློབ་མ་རྣམས་ཀྱི་རེ་བ་བཞིན་ཁོང་ཚོར་སློབ་སྦྱོང་བྱེད་པའི་དམིགས་ཡུལ་དང་།
བོད་སྐད་ཡིག་དང་བོད་རིག་པར་ངོས་འཛིན་ག་འདྲ་བྱེད་དགོས་པ་སོགས་ཀྱི་བསླབ་སྟོན་མདོར་བསྡུས་ཤིག་ཀྱང་གནང་ངོ་།།
ས་གནས་དགེ་སློབ་ཡོངས་ཀྱིས་ཕེབས་བསུ་བྱེད་བཞིན་པ།
འཆད་ཁྲིད་ཀྱི་ཡུལ་དངོས།
ཚོགས་ཞུགས་པ་རྣམས་ཀྱིས་གསུང་བཤད་ལ་ཉན་བཞིན་པ།
མཇུག་ཏུ་བསྐྱོན་པའི་མཉམ་པར།
རྩོམ་སྒྲིག་འགན་འཁུར་བ། ཁཱ་ཤེས་རབ་རྒྱ་མཚོ། མགར་རྩེ་ཉི་ཟེར། འབའ་སྣང་གྲོལ། ཨ་བུ་འབྲོང་།
|