༄༅། །ཀུན་གཟིགས་པཎ་ཆེན་སྐུ་ཕྲེང་བཅུ་པའི་རྗེས་དྲན་ཚོགས་འདུའི་སྟེང་གི་གཏམ་བཤད་གནད་བསྡུས།

དགེ་རྒན་འཇིགས་མེད་རྒྱལ་མཚན་ཚང་གིས།

   གསུང་བཤད་ཀྱི་བརྗོད་དོན་གཙོ་བོ།  ཀུན་གཟིགས་མཆོག་བཙོན་གྲོལ་ཐོབ་མ་ཐག་ཟི་ལིང་ནས་ཐོག་མར་མཇལ་བའི་སྐབས་དེར། ཁོང་གི་རྐང་ལག་ལ་སྒྲོག་བརྒྱབ་སྟེ་བཙོན་ཁང་ནས་ལོ་མང་ལ་བཞུགས་པ་དེ་མི་རིགས་ཀྱི་ལ་རྒྱ་ཡིན། ཁོང་གི་ལ་རྒྱ་ཡིན་ཞེས་གསུངས་མྱོང་ཚུལ་སྐོར་དང་། བོད་ཅིག་ཡིན་ན་བོད་སྐད་མ་བཤད་ན་བོད་ཀྱི་ཞབས་འདྲེན་དང་། བོད་ཅིག་ཡིན་ན་བོད་ཡིག་མ་བྲིས་ན་ཞབས་འདྲེན་ཡིན་ཚུལ་སྐོར། ཁོང་གིས་ཉི་མ་བཅུ་དགུའི་རིང་དངོས་སུ་སྤྱན་གཟིགས་གནང་སྟེ་པེ་ཅིན་ནས་རྭ་རྒྱ་དགོན་པའི་སྒྲིག་ལམ་དང་སློབ་གཉེར་ཁ་ཕྱོགས་དང་། དེ་མིན་ཨ་རིག་དགེ་བཤེས་ཚང་གི་སྐུ་གདུང་བསྐྱར་བཞེང་སྐོར་གྱི་གནས་ཚུལ་དང་། མི་རིགས་སློབ་གྲྭ་ཆེན་མོར་ཕེབས་ནས། ཁོས་ཁ་བཏོན་འདོན་བཞིན་ཡོད་ལ་ཚོང་དཔོན་ཡང་བྱེད་ཀྱིན་ཡོད། ཆོས་ལུགས་ལས་དོན་ཡང་སྒྲུབ་བཞིན་ཡོད། འདི་དག་འགལ་བ་མ་རེད་ཅེས་གསུངས་པའི་སྐོར་དང་། འདི་ལྟ་བུ་གསུང་གསེར་ནག་གི་ཐིགས་པ་རེ་རེ་མྱངས་པ་ལ་བརྟེན་ནས་ཁོ་ལ་གཏན་དུ་འགྱུར་བ་མེད་པའི་བསམ་བློ་ཞིག་མི་རིགས་ཀྱི་ལས་དོན་བསྒྲུབས་ཤིང་། ཚང་མས་ཆིག་སྒྲིལ་བྱས་ནས་བསྒྲུབ་དགོས་པ་ལས་བཤད་པས་ཕན་མི་ཐོགས་པའི་སྐོར་ནས་གསུང་བཤད་ཡ་མཚན་ཞིང་རྡོ་རྗེའི་ཚིག་ལྟ་བུའི་སྐར་མ་ཉི་ཤུའི་རིང་ལ་གནང་།

༢༠༡༧ལོའི་ཟླ་༡དང་པོའི་ཚེས་༡༥ཉིན།